موضوع مكياج

السلام عليكم
اليوم حبيت اتكلم عن المكياج
وبعدها بوجه سؤالي للشباب

المكياج رفيق المرأة ومظهر جمالها و انوثتها اصبح ضروره لابد منها ولا يمكن الاستغناء عنها
المرأة كائن رقيق يحب الاهتمام بالمظهر و الجمال
وغالبا حواء تركز على جانب الجمال ارضاءا لنفسها اولا و للجنس الآخر ثانيا ...

طبعا الحين الكل عارف ان كل فتاة ولها شخصيتها و طريقتها بوضع المكياج
اللي ستايلها ناعم و اللي ستايلها خليجي و اللي لبناني و اللي تحس نفسها دايما رايحه عرس حتى لو رايحه المستشفى ..
لكن السؤال اللي بوجهه للشباب شرايكم بالمكياج هالايام ؟؟
وهل تعتبرونه ضرورة للمرأة؟؟
وشنو تفضلون المرأة الطبيعيه والا اللي تحط مكياج؟؟

والسؤال الثاني
بعد الزواج شنو راي الريال بوضع زوجته للمكياج ؟؟
هل راح يتفهم طبيعتها و حبها للمكياج وتأنقها خارج المنزل ؟؟
والا يعتبر ان تأنق زوجته من حقه اهو بروحه وما يصير يشاركه فيه الغير؟؟؟
من خلال هالموضوع حبيت اعرف راي اغلبية الشباب الخليجي و العربي بهالموضوع


اتمنى ما اكون ثقلت عليكم و اتمنى من الكل يجاوب عالاسئله و يبدي رايه بالموضوع
ويعطيكم العافيه